Zindagi

As promised it's here....

zindagi rulati hai aur satati hai
tadpaati aur kabhi kabhi to bhulati hai
kabhi paas aati hai to kabhi door chali jati hai
maj-dhaar mein toofan ban ke darati hai
tapti dhoop mein ek thanda saya ban jati hai
bhor ka panchi ban madhur geet gungunati hai
naveli dulhan sa palki se muskarati hai
sooni lambi raah ka sachcha sathi ban jati hai
nafrat se kabhi mere dil ko jalati hai
mohabbat ban ke rooh ko mahkati hai
itni koshish ke baad bhi na samajh paya
zindagi tu kaun sa rishta kab nibhati hai